Deskribapena
“Erromeria da Urkiolan. Primi Erostarbe abiatu da astoz. Erromerian panderoa jotzeko irrikaz dago. Bidean, adiskide on bat egin du: Maurizia Aldeiturriaga. Bera ere pandero-jolea da.”
6-8 urte bitarteko haurrentzat, Iñaki Martiarena “Mattin” marrazkilariak ilustratuta eta Ixabel Agirresarobek idatzita, Denonartean argitaletxeak argitaratutako LARRU MARRUAK liburua, Euskal Herriko Trikitixa Elkartearen lankidetzarekin.
Maurizia Aldeiturriaga eta Primi Erostarbe protagonista hartuta, pandero-joleen lana aitortuz, ondare musikalaren trasmisioa du helburu liburuak.
EHTEk, liburuaren osagarri, panderoa oinarrizko eran jotzeko bideo tutorialak egin ditu. Ikasle hasi berrientzat ere erabilgarri izan daitezke. Liburuan QR bidez aurkitu daitezke bideoak.
Euskal Herriko Trikitixa Elkarteak sortutako bideoak:
- Panderoa – https://www.youtube.com/watch?v=7iF2SElRZzI
- Arin-arina – https://www.youtube.com/watch?v=0yQVZtOxOOc
- Kalejira – https://www.youtube.com/watch?v=P9731bPS7j8
- Fandangoa – https://www.youtube.com/watch?v=0O9dVlcfiIw
