NOIZ: Ekainaren 26tik 28ra
NON: Asteasuko Otabardi aterpetxean
Ikastaroa Ines Osinagarekin (GOSE) eta elkarrizketa Josune Arakistain eta Uxue Amonarrizekin (HUNTZA).
Prezioa: 80 € (hiru eguneko otorduak, loa, ikastaroak eta begiraleak barne)
Izena emateko idatzi trikitixa@trikitixa.eus helbidera.
Plaza mugatuak. Apuntatzeko azken eguna ekainak 11.
Animatu eta zatoz!
NOIZ: Maiatzak 27, larunbata
ORDUA: 17:00
NON: Getarian, Berdura plazan
ADINA: 18 urte bitarteko gazteak (18 urte barne)
SEI BIKOTE SAILKATUKO DIRA
OINARRIAK GETARIAKO UDALETXEAN ETA WEB ORRIAN EGONGO DIRA
(Tlf. 943 896024, kultura@getaria.org, www.getaria.eus)
Izena emateko azken eguna: Maiatzak 17, asteazkena
*** Deialdi irekia izango denez, bikote asko apuntatuko balira, kanporaketa bat egongo litzateke txapelketa aurretik.
Adin nagusikoa zara eta trikitixako edo panderoko ikasketak aspaldi utzi zenituen? Edo trikitixa eta panderoa heldutan ikasten hasi zara? Oraindik trikitia edo panderoa jotzen duzu eta giro atsegin batean zure tankerako jende berria ezagutu nahi duzu? Elkarrekin trikitia eta panderoa joaz ondo pasa eta gauza berriak ikasi nahi dituzu?
Hementxe duzu aukera, zatoz gurekin asteburua pasatzera!
NOIZ: Maiatzak 20-21
Maiatzaren 20an, 12:00etan, Asteasuko Otabardi aterpetxean elkartuko gara eta egun horretan bertan bi ikastaro izango dira; 17:30ean Imanol Urkizu panderojolearekin eta 19:00etan Iker Allur trikitilariarekin.
Prezioa: 65 € (bi eguneko otorduak, loa, ikastaroak eta begiraleak barne)
Izena emateko idatzi trikitixa@trikitixa.eus helbidera.
Plaza mugatuak direnez izena ematen duten lehen 25 pertsonek izango dute etortzeko aukera. Apuntatzeko azken eguna maiatzak 10.
Animatu eta zatoz!
Andutz kultur taldeak Itziarko Erromeria Eguna antolatu du.
NOIZ: Maiatzaren 6an
Bertan izango dira Estanga anai-arrebak, Jagoba eta Maddalen, Naiara eta Jugatz, Mirari eta Aintzane, Hernaniko fanfarrea, Hernaniko albokariak, Zubietako joaldunak, Debako eta Hernaniko txistulariak eta Hernaniko dultzaineroak.
Herri bazkaria eta afaria ere antolatu dute. Informazio gehiago nahi izatera klikatu kartelean.
NOIZ: Martxoaren 18an, 17:30ean
NON: Azpeitiko Soreasu antzokian
PARTAIDEAK:
– Mirari Azkune eta Aintzane Agirrebeña
– Maixa, Errekalde anaiak eta Azkonobieta anaiak
– Jone Uria eta Julene Otegi
– Aire ahizpak
– Tapia eta Leturia
– Iker Allur eta EinGO
SARRERAK: Martxoaren 11tik aurrera eskuratu ahal izango dira 12€-tan:
– Azpeitiko Mendizabalen, Pastorkuan eta Berdien
– Azkoitiko Ixidron
– Elkartera idatziz: trikitixa@trikitixa.eus
– Elkartera deituz: 943 83 28 28 (goizez)
Erreserbak egunean bertan 16:00etatik 16:30etara jaso beharko dira leihatilan (jasotzen ez direnak salgai jarriko dira).
Euskal Herriko Trikitixa Elkartea aurten berrikuntza batekin dator: MAKETA LEHIAKETA.
25 urtetik beherako musikari edo ikasleei zuzendua dago. Taldean, bakarka edo bikotean trikitixa edo/eta panderoa oinarri hartuta, zure proposamenak jasotzeko zain geratzen gara. 10 kantu hoberenekin CDa grabatuko dugu estudioan, eta kanturik hoberenari bideoklipa grabatzeko aukera emango diogu.
Oinarriak:
Animatu! Zure zain gaude!
Trikitixa ikasle, irakasle eta zaleen eskaerak asetze aldera, 2016 urtean zehar Euskal Herriko Trikitixa Elkarteako zuzendaritzak 12 pieza zenbakizko partituretan jartzea erabaki zuen. Lehenik aukeraketa zabal bat egin ondoren, 12 gustukoenak transkribatu dira.
2016 urte hasieran Geure Kolkotik diskoetako sei kantu aurkeztu ziren modu berdinean, aurten ere Tirikitrauki musika dendak eskeintzen duen Zenbakiz web orria erabiliz egin dira 12 partiturak. Zuzenketa batzuren faltan, argitalpen honen datan lehenengo 6 partitura jarri ditugu eskura.
Kantu hauek eskuratzeko, web orri honetan bertan eskuin aldean ikusten duzun Zenbakizko partiturak atalean klikatu behar duzu. Ondoren kantua aukeratu, deskargatu, nahi izatera inprimatu eta gozatzen hasi!
Urte berriarekin, Euskal Herriko Trikitixa Elkartea berrikuntza batekin dator: bazkide diren guztientzat %15eko deskontua izango da Elkarteak argitaratu izan dituen eta argitaratzen dituen liburu eta disko guztietan.
Gogoratu gainera, bazkide garenok urtean zehar dagokion urteko argitalpen berri bat eta Irune Elizagoienek idatzitako lau Altzaporru buletin dohainik jasotzen ditugula etxean erosketetako deskontuaz gain.
“Geure Kolkotik” pieza berrien bildumako zazpigarren alea kaleratu berri dugu. Trikiti sorkuntzari geure aletxoa eransteko hasi zen proiektu hau, eta aurten ere 15 kantu berrirekin gatoz, 5 trikitilari ezberdinei aukera eman zaielarik proiektu honetan parte hartzeko:
Itsaso Elizagoien
Xabi Aburruzaga
Xabier Etxaniz
Ander Zabaleta
Patrik Larralde
Soinu txikiaz eta perkusio ezberdinez osaturiko hiru pieza berri sortu ditu trikitilari bakoitzak. Gisa guztietako doinuak entzun litezke diskoa osatzen duten hamabost piezetan: Kalejira, fandangoa, mazurka, trikitixa…
* Diskoa, webgune honetako “Denda” atalean edo ohiko saltokietan eros dezakezu.
**Aurkezpen kontzertua Durangoko Azokako Ahotsenean izango da, abenduaren 5ean 13:40etan.
Atzo aurkeztu genuen Soinuaren Liburutegiko 12. alea Azkoitian. Liburua Joxe Mari Iriondok idatzi du eta Lajari buruzko hainbat gogoeta eta kontakizun biltzen dira bertan. Itsatsirik daraman Cd-an, audio kalitateari baino piezen edertasunari erreparatuz, orain arte argitaratu gabeko hainbat pieza bildu ditugu. Lajak garai eta leku ezberdinetan jotako piezak dira guztiak, berarekin batera panderojole ezberdinak entzun daitezkeelarik.
Liburu diskoa dagoeneko salgai dago webgune honetako “Denda” atalean eta ohiko saltokietan.
