ZUEI OHORE

Hitzak: Jon Sarasua

Doinua: Imuntzo

Abadiño San Blasetan

neskazaharrak bentanetan

Mauriziaren kantuak

euskaldunen arimetan

Bizkaiko sorginen hotsa

gure oroimenetan.

Maurizia Maurizia

Bizkaiaren garrasia

Primi Erostarbe berriz

gipuzkoar irrintzia

altxor paregabea da

tradizio bizia.

Erostarberen ahotsa

mendiko haize zorrotza

gerra deklarazioa

eta maitasun aitortza

irrintzian askatzen da

emakume bihotza.

Andra indartsu koplari

amona irrintzilari

horra pandero gainean

gure erraiak kantari

iraganaren ate ta

geroaren atari.

Imuntzo eta Beloki

Trikrisia