alfabetoz

—

diskoak

«LIZARTZAKO OIHARTZUNAK»
KAXIANO
ELKAR, 1992

BASERRITIK KALERA

Agur baserri zaharra

banoa kalera

lana gutxi eginda

ondo bizitzera,

kalean omen dago

danetik aukera,

nik hala bizi nahi det

hor gelditzen zera.

Burniola batean

lanean naiz hasi

behin ere ez det hainbat

diru irabazi,

orain paseatzen det

neskatxa ta guzi

laztan goxo artean

hau bai dela bizi.

Konturatzen ari naiz

kaleko bizian

ez liteke izan

denbora luzian,

egunez lana eta

lorik ez arratsian,

pezeta bat ez daukat

hurrengo goizian.

Hamar hamabi ordu

eguneko lana,

ez da ezertarako

irabazten dana,

berriro ez dator lehen

probatu duana,

baldin bada burutik

sano dagoana.

Mendi lagunai diet

kontu izateko

kalera ez jesiteko

ondo bizitzeko,

arrisku txarra dago

gaztearentzako

gorputza gaixotuta

anima galtzeko.

Damutua zait ongi

egindako jira,

usteldu baino leno

banoa mendira.

Lehen baztertuta utzi

nuan baserrira

han bizi nahiago det

izarrei begira.