alfabetoz

—

diskoak

«»
KONTRAIRO
IZ, 1999

DENOK BATERA

Alde handirik ez da nabari

kolpe batetik bestera

haize bolada pasata ere

etorri ohi da ostera

guri atxiki, erantsi guri

herrikide bihotzbera.

Eztarri denak urra ditzagun

notaz bete atmosfera

gazte, zahar, ume: ume, zahar, gazte

kantatu denok batera.

Geu ere AEKrekin, euskarari bai!

Geu ere euskararekin, AEKri bai!

Oh Legutio, leku epela,

kopetak zaizkigu belztu

triste ez jarri, ez urduritu

ez gu hartu horren estu

zure babesak elkartu gaitu

zure babesak babestu

kantu honekin poztuko gara

ahoz aho, eskuz esku

konpromezuak badu mezua

denok batera abestu:

Geu ere AEKrekin, euskarari bai!

Geu ere euskararekin, AEKri bai!

Hitzak: Asier Iriondo

Musika: J. Andres Rodriguez

AEK eguna, Legutio, 1998.