alfabetoz

—

diskoak

«AUSKALO»
ALAITZ ETA MAIDER
TRIKI ELKAR, 2002

EZ DIZUT ESANGO

Ez dizut esango, ez dizut esango,

goiz usaineko ahotsa duzula,

zure gorputzak eguzki aldeko

mendien sosegua duela,

baina zurekin ez nagoenean

maleriaz gaixotzen naiz.

Ez dizut esango, ez dizut esango,

desertuko erreka zarela,

ez ilea arratsaldeko haizea

baino leunagoa duzula,

baina zurekin ez nagoenean

maleriaz gaixotzen naiz.

Ez dizut esango, ez dizut esango,

gazela begiak dituzula,

ez dizut esango ez baita egia,

zure begirada normala da,

baina zurekin ez nagoenean

maleriaz gaixotzen naiz.

Musika: Alaitz Telletxea

Hitzak: Alaitz Telletxea

Joseba Sarrionandiaren testu batean oinarritua