alfabetoz

—

diskoak

«TRIKI TA KE»
TRIKI TA KE
TRIKI ELKAR, 2001

ERANTZUNIK EZ

Zergatik goaz aurrera

bidean ez bagabiltza?

Zergatik aditz bakarra

bihurtzen da baldintza?

Zergatik eramaten du

haizeak gure hitza?

Hain aldakorra zergatik

izaten da bizitza?

Zergatik ez naiz ausarta

ta ez ditut maite armak?

Zergatik ez du irauten

merezi ez den famak?

Zergatik nekarazten nau

ondokoaren zamak?

Ni zergatik ez nau maite

nik maitatzen dudanak?

Zergatik ez dut ikusten

etorkizunik kartatan?

Zergatik nago ni hemen

ta nere ametsak han?

Zergatik dena daukana

dago zerbaiten faltan,

eta ez daukana ez da

ohartzen zenbat daukan?

Hainbeste galdera eta

hainbeste duda ditut nik,

ez dut sinisten guztiok

guztia dakigunik.

Zergatik ez da dudarik

sortzen ez den egunik?

Nire galderek zergatik

ez dute erantzunik?

Hitzak: Aitor Mendiluze

Musika: Iker Dorronsoro / Imanol Goikoetxea

ZOAZ HEGAN

Preso zaitut nigan preso, preso nire beharrean

askatasunik ez duzu, niganako babesean

zergatikan orain lotu, bizitzaren onenean

preso zaitut nigan preso, preso nire bihotzean.

Erraz esaten duguna, ezinez dugu amesten,

inoiz egi bihurtzera, ez garelako iristen,

zuk ez etsi ametsetan, jarrai bidea ikusten

hautsi bihotzen katea, ez badizu hegan uzten.

Zoaz hegan aske eta pozik

ez amestu loturik.

Hitzak: Aitor Mendiluze

Musika: Iker Dorronsoro / Imanol Goikoetxea