TRIKITI TESTUAK
— |
|
«EGUZKI BEGI»
URRUTI DAGOEN ALABARI Alabatxo zuretzat lehenik bi muxu urruti zaude ta hartu izkidazu zu etxetik joatea nuen pixu aita baten bihotzak hitz egiten dizu.
Zein lore polita zu zintugun etxean zein bakarti ginan urrutiratzean hortaz ohartzen naizen une bakoitzean arantza bat zaztaka ari zait bihotzean.
Mundura joan zinan zinelarik gazte aingeru polit bat hemezortzi urte aitak esan zizun ba zatoz laixte egunak eta gauak oso luze doazte.
Ingelesa ikasten maiteņoa Londresen nik nahi baino gehio ari da luzatzen eta orain maite bat dezula hain zuzen ez dakit urrunagora ez ote zoazen.
Bidea aukeratu lezake bakoitzak lore ta arantza hor ditu bizitzak ez dizkizut jarriko nik baldintzak baina ez gorrotatu inoiz aitaren hitzak.
Ongi dago batek zu zaitulako maita alaba bakarra gertu zaitut nahi ta egunsentiro nago beti zure zai ta mundua da lekuko aita da beti aita.
Hitzak: Nikolas Zendoia Musika: Bernardo Alberro |
