alfabetoz

—

diskoak

«ZURETZAT»
KOLDO ETA ARANTXA IPARRAGIRRE
TRIKI ELKAR, 2003

MEREZIA

Soinu txikia ez al da

instrumentu berezia

mendi batetik bestera

doa bere irrintzia

garai batean dantzan

jartzen zun mundu guzia

horregatik aipamen bat

dauka ondo merezia.

Musika berri zalea

daukagu gaurko gaztea

gitarra ta bateria

nahi dutena da nahastea

bainan ez zaigu komeni

soinu txikia ahaztea

gelditu nahi ez badugu

ez bata ta ez bestea.

Mendiko erromeriai

behar genioke heldu

soinu txikiaren bueltan

lehenago bezala bildu

aitonen usadiorik

behi ere ez dadin galdu

ta trikitiaren hotsa

lau haizetara zabaldu.

Soinu eta panderoa

jotzen bada bizi-bizi

besoak gora jasota

denok dantzan azkar hasi

dakienak egin eta

ez dakienak ikasi

umorean bizitzeak

ez ote du ba merezi?

Musika: Koldo Iparragirre

Hitzak: Xabier Zeberio