Hasierako orrialdeaBideoakDoinutegiaArgazkiakPrentsaEuskal Herriko Trikitixa Elkartea

 

TRIKITI TESTUAK

alfabetoz

diskoak

AZKEN PORTUAN

«AMORRUA»
IKER GOENAGA
TRIKI ELKAR, 2006

 

Hodeiertzean pausaturik

beltzari darion dizdira

zeru urdin oskarbiari

begiak itxita begira

olatu gardenen ziztadak

zorionaren ispilu balira

 

Zirriborro gisan taxutu

arrantzalearen patua

ur gaziek kendu didate

bizi izan nuen mundua

zigarro beltzeko gauetan

behinola itzali zen nire sua

 

Horizontala den mugara

beti iritsi ezinean

egunak arrain kirats lodiz

zipriztindurik daudenean

hain da garratz bakardadea

ur gozoen sabelean

 

Tristuraz hilda iratzarri

begi biak malkoz erreta

itsasoaren besarkadan

itotzeko hartu dut beta

arnasa hartzeari uko

honek ez du jada zentzurik eta

 

Musika: Iker Goenaga

Hitzak: Gartxot Unsain