Hasierako orrialdeaBideoakDoinutegiaArgazkiakPrentsaEuskal Herriko Trikitixa Elkartea

 

TRIKITI TESTUAK

alfabetoz

diskoak

SEGA APUSTUA

«IZENBURURIK GABE»
HAINBAT
AIAKO UDALA, 2005

 

Aiako berri bertsoz ematen

Hasteko badut gustua;

Aipatu nahi dut irailaren

Hamaikako apustua.

Iturriozko zelaian zegon

Sega-joko bat estua,

Argi usteko hamaikak badu

sakela bapo hustua.

 

Zer esan franko bazen aspaldin

Aian eta Asteasun;

Esaten zuten zaharrak emango

Ziok nahiko estuasun,

Baina gazteak erakutsi du

Nahiko indar da zailtasun

Puska bateko nagusi haiz da,

Bejon daikela Erasun.

 

Iturriotzen egona gaitik

Belar etzana ta zaila

Hasita buka atera huen

hutsa ainako habaila

Bi oin pasako arrastak eta

Bi metro terdiko maila

Oraindik inork ez zian bota

Horrelako belar saila

 

Bat baino gehiok ez du faltako

gaur ere buruko minik

lehengo erara ez dute hoiek

ez dantzatuko mingainik

esaten zuten Aian ez dela

belar ebaten dakinik

erakutsi duk hire aurrean

ez dutela zer eginik

 

Kirolariak baziren hemen

Txikiak ginen garaian

Orduan denak mintzatzen ziren

Oso tankera alaian

Haiek bukatu eta genbiltzan

Horrelako baten nahian

Hi haizelako gaur oso arro

Sentitutzen gaituk Aian

 

Hor emandako egurrarekin

Ez haiz geratu itsusi

Hire indarren ondore latza

Guztiek ditek ikusi

Horma harririk pisatu gabe

Lehengo marka denak hautsi

Gaurtik aurrera hi izango haiz

Sega kontuan nagusi

 

Hitzak: Joxe Antonio Manterola "Zatain"

Doinua: Herrikoia

 

1988ko irailaren 11n Iturriotzko apustu zelaian Aiako Erasun eta Asteasuko Irazustak jokatutako Sega apustuari buruz ondorengo astean Arrate irratirako jarritako bertsoak