Hasierako orrialdeaBideoakDoinutegiaArgazkiakPrentsaEuskal Herriko Trikitixa Elkartea

 

TRIKITI TESTUAK

alfabetoz

diskoak

AZPEITIKO URKAMENDIAREN BERTSOAK

«IZENBURURIK GABE»
HAINBAT
AIAKO UDALA, 2005

 

Jose Tejeria da

hau nere grazia,

Gipuzkoako Aian

jaio ta azia;

tiroz aita il nuan,

orra desgrazia,

publikatzea nua

asunto guzia.

 

Gizonak altxa zuten

aita bizirikan,

"O, semiak galdu nau!"

berak esanikan;

gurasubak etzuban

esan gezurrikan,

gorputza il ta anima

juan mundutikan.

 

Aitak eskatzen ziran

legez eta bidez,

egiten niona da

agindu ta eman ez;

buru dana betia

pentsamentu txarrez,

tirua eman nion

dirubaren ordez.

 

Sodadu arma-dunak

lotu kurioso,

baita eraman era

Azpeitira preso;

deklarazio txarrak

egiņa ni oso,

libratutzeko bear

gezurra preziso.

 

Azpeitiatik juan

Donosti aldera,

Gipuzkoako buru

dan tribunalera;

akusatuba nintzan

Judasen legera,

gezurrak balio ez,

neretzat galera.

 

Gaizki egin nuela

ondo damutzen zat,

au eskarmenturako

beste guzientzat;

munduban ez da izan

oraindikan behintzat

ume bat txarragorik

gurasubarentzat.

 

Donostian artuba

nintzan albistia

posible etzala neri

bizirik uztia;

ai ura orduko

lastima tristia!

etzan alegratuko

nere emaztia!

 

Zuzen da garbi egin

dute justizia,

badakit nuela nik

ondo merezia;

illbeltzaren amaseirako

nere sententzia,

goizeko zortziretan

kentzeko bizia.

 

Pauso bat eziņ eman

nuan ezergatik,

bi lagun banituben

beso banatatik;

urkamendira juan

giņan kartzelatik,

borrerua begira

zeguan atzetik.

 

Urkamendian nintzan

eserita jarri,

nere entraņak zeuden

estu eta larri;

bizia eman bear

oso lotsagarri,

au beste guzientzat

eskarmentagarri.

 

Hitzak: Joan Mari Zubizarreta "Etxeberritxo"

Doinua: Herrikoia