Hasierako orrialdeaBideoakDoinutegiaArgazkiakPrentsaEuskal Herriko Trikitixa Elkartea

 

TRIKITI TESTUAK

alfabetoz

diskoak

ALBOKA

«»
KONTRAIRO
IZ, 1999

 

Mendi puntan artzaia

bere adarra joz

zeruari begira

eguna igaroz.

 

Errotako neskatxa

ezin maitemindu

adarraren soinua

ezin du leundu.

 

Zerua ilunduta

ekaitza da gertu

trumoiak entzun eta

ardiak beldurtu.

 

Suzko igitai batek

zerua argituz

artzaia eraman du

Mariren leizeruntz.

 

Damaren aurrean

adarra eskuan

bekozkoa ilun eta

izua begietan.

 

Andere suzkoaren

begirada urdin

adarra eskeinita

ematen dio muin.

 

Adarra zulatuaz

zaldi hilean jarri

adarraren soinua

doinu bihurturik.

 

Adar zahar zuloduna

alboka deitua

artzaitxo sorginduak

jotzeko gertua.

 

Geroztik,

Mariren aginduz da

Euskal Herrian zehar

jaiez jai jotzera

betiko kondenatua.

Eta Mari,

ilargi eder bat bezala,

hegaka pasiatzen da

tximista bezain arin,

artzaiaren alboan.

 

Hitzak: Amaia Irureta

Musika: Herrikoia