alfabetoz

—

diskoak

ASTEBURU GEHIENAK

«AGUR»
EPELDE ETA LARRAÑAGA
TRIKI ELKAR, 2004

Asteburu gehienak

etxetik kanpora

festa lan bihurtzen da

neurritikan gora

gustokoa degula

esan beharko da

baina guzia ez da

larrosa ta lora.

Libre tokatzen bazait

igande goizikan

Izarraitz gailurrera

joaten naiz pozikan

bazen txori kantu ta

zintzarri hotsikan

nahiz eta barrunpean

ez nuen hotzikan.

Nahi bada zapatilak

edota abarkak

ezin disimulatu

gorputzaren tranpak

arnasa bizkortuta

makaltzean hankak

Guinnes-en nola jarri

egindako markak.

Zaindu beharra dago

gorputza puntuan

kolesterola hasi

baino lehen kantuan

tentsioa ere ez dabil

joera santuan

baju behar direnak

dabiltza altuan.

Regimena omen da

aspaldi jaioa

gatzik ere ez duen

geldo arraioa

festan dibertitzeko

ez da propioa

aurkitu beharko zaio

erremedioa.

Musika: Angel Larrañaga, Tomas Epelde Moldaketak: Tomas Epelde, Iker Allur

Hitzak: Angel Larrañaga