Hasierako orrialdeaBideoakDoinutegiaArgazkiakPrentsaEuskal Herriko Trikitixa Elkartea

 

TRIKITI TESTUAK

alfabetoz

diskoak

AMETSAK

«SOINUGORRI»
IKER GOENAGA
TRIKI ELKAR, 1998

 

Alper zirikalari eta trotamundo

gaua igarotzen du segundoz segundo

gauza batzuk gaizki ta beste batzuk ondo

ai oi ene, beste batzuk ondo

ametsengatik zer ez nuke nik emango.

 

Tarteka oroitzen naiz batzutan berriz ez

ziur dakit gauza bat: sortzen ditut gauez.

Ona edo txarra dan esan zure ustez

ai oi ene, esan zure ustez

gauerditik goizera mozkortu ametsez.

 

Atzo nintzen pirata, gidari, pilotu

bihar sikiatra eta etzi erotu;

pertsonai hauek denak ditugu amestu

ai oi ene, ditugu amestu

ta egi bihurtzean inork ez sinistu.

 

Ona omen da baina ez gehiegi fida

ilunetik argira datorren segida;

ametsak amestea gauza ona bada

ai oi ene, gauza ona bada

lo eginaz gozatu ametsen balada.

 

Hitzak eta musika: Iker Goenaga