Hasierako orrialdeaBideoakDoinutegiaArgazkiakPrentsaEuskal Herriko Trikitixa Elkartea

 

TRIKITI TESTUAK

alfabetoz

diskoak

BEHINGOZ

«TRIKRISIA»
IMUNTZO ETA BELOKI
ELKAR, 1993

 

Begiratu zenidan

taberna haretan

ordutik hiru kafe

hartzen ditut bertan

azukrerik ez diet

botatzen uretan

bakarrik zu azaltzen

zeran egunetan.

 

Zoratzen hasia naiz

zure begiekin

berde-berde dauden

semaforo hoiekin

pasa edo ez pasa

ezingo dut jakin

hitzegiten ez badut

zure ezpainekin.

 

Pozik ikusi zaitut

gaurko ametsean

itsasorik ez zegon

hondartza ertzean

baina konturatu naiz

berriz esnatzean

basamortu bat zela

hondartza ezean.

 

Erori nahi dut zure

koba zulotara

baina ez duzu bidean

pixtarikan laga

nik beldurra badaukat

eta zuk ikara

pausorik eman gabe

geratuko gara.

 

Hitzak: Jon Maia

Musika: Imuntzo