es | fr | en

Ots 3 2017

MAKETA LEHIAKETA

Euskal Herriko Trikitixa Elkartea aurten berrikuntza batekin dator: MAKETA LEHIAKETA.

25 urtetik beherako musikari edo ikasleei zuzendua dago. Taldean, bakarka edo bikotean trikitixa edo/eta panderoa oinarri hartuta, zure proposamenak jasotzeko zain geratzen gara. 10 kantu hoberenekin CDa grabatuko dugu estudioan, eta kanturik hoberenari bideoklipa grabatzeko aukera emango diogu.

Oinarriak:

MAKETA LEHIAKETA ARAUAK

Animatu! Zure zain gaude!

Urt 30 2017

ZENBAKIZKO PARTITURAK

Trikitixa ikasle, irakasle eta zaleen eskaerak asetze aldera, 2016 urtean zehar Euskal Herriko Trikitixa Elkarteako zuzendaritzak 12 pieza zenbakizko partituretan jartzea erabaki zuen. Lehenik aukeraketa zabal bat egin ondoren, 12 gustukoenak transkribatu dira.

2016 urte hasieran Geure Kolkotik diskoetako sei kantu aurkeztu ziren modu berdinean, aurten ere Tirikitrauki musika dendak eskeintzen duen Zenbakiz web orria erabiliz egin dira 12 partiturak. Zuzenketa batzuren faltan, argitalpen honen datan lehenengo 6 partitura jarri ditugu eskura.

Kantu hauek eskuratzeko, web orri honetan bertan eskuin aldean ikusten duzun Zenbakizko partiturak atalean klikatu behar duzu. Ondoren kantua aukeratu, deskargatu, nahi izatera inprimatu eta gozatzen hasi!

 

Urt 10 2017

BAZKIDEEK % 15-EKO DESKONTUA LIBURU ETA DISKOETAN

Urte berriarekin, Euskal Herriko Trikitixa Elkartea berrikuntza batekin dator: bazkide diren guztientzat %15eko deskontua izango da Elkarteak argitaratu izan dituen eta argitaratzen dituen liburu eta disko guztietan.

Gogoratu gainera, bazkide garenok urtean zehar dagokion urteko argitalpen berri bat eta Irune Elizagoienek idatzitako lau Altzaporru buletin dohainik jasotzen ditugula etxean erosketetako deskontuaz gain.

Aza 28 2016

KALEAN DA GEURE KOLKOTIK 2016

“Geure Kolkotik” pieza berrien bildumako zazpigarren alea kaleratu berri dugu. Trikiti sorkuntzari geure aletxoa eransteko hasi zen proiektu hau, eta aurten ere 15 kantu berrirekin gatoz, 5 trikitilari ezberdinei aukera eman zaielarik proiektu honetan parte hartzeko:

Itsaso Elizagoien

Xabi Aburruzaga

Xabier Etxaniz

Ander Zabaleta

Patrik Larralde

Soinu txikiaz eta perkusio ezberdinez osaturiko hiru pieza berri sortu ditu trikitilari bakoitzak. Gisa guztietako doinuak entzun litezke diskoa osatzen duten hamabost piezetan: Kalejira, fandangoa, mazurka, trikitixa…

* Diskoa, webgune honetako “Denda” atalean edo ohiko saltokietan eros dezakezu.

**Aurkezpen kontzertua Durangoko Azokako Ahotsenean izango da, abenduaren 5ean 13:40etan.

Aza 28 2016

LAJA, TRIKITIXAREN ZUBIA

Atzo aurkeztu genuen Soinuaren Liburutegiko 12. alea Azkoitian. Liburua Joxe Mari Iriondok idatzi du eta Lajari buruzko hainbat gogoeta eta kontakizun biltzen dira bertan. Itsatsirik daraman Cd-an, audio kalitateari baino piezen edertasunari erreparatuz, orain arte argitaratu gabeko hainbat pieza bildu ditugu. Lajak garai eta leku ezberdinetan jotako piezak dira guztiak, berarekin batera panderojole ezberdinak entzun daitezkeelarik.

Liburu diskoa dagoeneko salgai dago webgune honetako “Denda” atalean eta ohiko saltokietan.

Aza 4 2016

VIII. OÑATIKO TRIKITI JAIALDIA

Noiz: Azaroaren 12an larunbata, 17:30etan

Non: Oñatiko Santa Ana Antzokian

PARTE HARTZAILEAK:

– Aitor Letamendia eta Harkaitz Lasa

– Zabale anaiak eta Lurdes Alkorta

– Josune eta Aitziber Otegi

– Elizagoien ahizpak

– Maitane, Jagoba, Josu eta Maitane

– Laja II eta Narbaiza

– Ane Irurtzun, Malen Elkoroiribe, Maddi Guridi eta Nora Freire

SARRERAK: Enkargu bidez lizargarateelkartea@gmail.com helbidean, edo Arrano tabernan 12 €tan. Txartelak eskuratzeko azken eguna azaroaren 5a.

Ondoren afari herrikoia izango da gaztelekuan MP5 taldearekin. Txartelak salgai Arrano tabernan 15 €tan.

Urr 25 2016

NAZIOARTEKO TRIKITIXA JAIALDIA 2016

2016ko azaroaren 26ean ospatuko da Getxon, Areetako Andres Isasi Musika Eskolan, 19:00etan, Getxoko Udalak antolaturik.

PARTAIDEAK:

– Duo Bottasso (Italia)

– Anne Niepold (Alemania)

– Asier Gozategi eta Julen Alonso (Euskal Herria)

– Kristina eta Amaia (Euskal Herrita)

Jaialdia bukatu ostean Algortako Azebarri Kultur Elkartean festak jarraipena izango du. Bertan, Kataluniako Morena Tradipatxanga taldea izango dugu 22:00etatik aurrera.

Sarrerak Nazioarteko Trikitixa Jaialdia hasi baino lehenago Andres Isasiko leihatilan erosi ahal izango dira. Aldez aurretik erosi nahi izatera berriz, Kutxabanken eta Algortako Kultur Etxean bertan ere eskuratu ahal izango dira: prezioa 8 €. Azebarriko sarrera doan da.

Urr 17 2016

KALEJIRA, AFARIA ETA ERROMERIA AZPEITIAN

Noiz: Urriak 21 ostirala, 20:00tan hasita

Non: Azpeitian

Egitaraua:

20:00 Sanagustin kulturgunetik habiatuta Trikitilarien kalejira kaleetan zehar

21:00 Afaria Sanagustin kulturgunean

23:00 Erromeria Sanagustin kulturgunean

– Izaro Oleaga eta Jurgi Ituarte

– Eider Tolosa, Lierni Tolosa eta Enaitz Alberdi

– Imanol Arizmendi, Beñat Landa, Haritz Garmendia eta Eneko Arbeo

– EROKOMERI

Informazio gehiago nahi izatera Sanagustin kulturgunean edo 943105220 telefonora deituta.

Ira 19 2016

ZALDIBARKO XXV. TRIKITI TXAPELKETA

NOIZ: Azaroak 27, igandea

NON: Zaldibarren

OINARRIAK: Zaldibarko Udalaren web orrian. Izen emate orriak ere bertan aurkituko dituzue.

Hona lotura:

http://www.zaldibar.eus/eu-ES/Albisteak/Orrialdeak/EUSKALHERRIKOTRIKITILARIGAZTEENXXVTXAPELKETA.aspx

Abu 26 2016

INPERNUKO POZA TRIKITIXAREN XIV. JARDUNALDIAK

TRIKITIXAREN ORAINA ETA GEROA

“Inpernuko Poza” Trikitixaren Jardunaldiekin hasi zenetik 13 urte igaro diren honetan, lehen urteko gaiari berari heltzea erabaki da aurten, 2003an hitz egin zen etorkizuna iritsi baita. Gaur egungo soinu txikiaren eta orokorrean euskal kulturaren errepasoa egin nahi genuke alde batetik, eta bagabiltzan bide honek nora eraman ahal digun ere aztertu nahi genuke euskal kulturgintzan esanguratsuak diren izenen begietatik.

EUSKAL KULTURA LEGITIMAZIOAREN BILA

EGUNA: Irailak 7, asteazkena (19:30ean)

LEKUA: Donostiako Udal Liburutegiko Sotoan

HITZALDIA: Pako Aristi

Sormenaren esparruko edozein adierazpide artistiko bezala, trikitixak ere badu bere ekosistema, bizirik irauten laguntzen diona: euskal kultura. Hau, ordea, ez da kultur sistema estandarra, ez daukalako botere sistema propio bat atzean, legitimazioa emango liokeena. Kultura hegemoniko espainol eta frantsesaren azpi-zatia da euskal kultura, eta hortik datozkio aje nagusiak: ikusezin izatea, hierarkia falta, erreferente ez izatea eta definizio falta. Kultura oro prozesu sozio-politikoa da, eta historikoa ere bai. Honek munduan nola funtzionatzen duen aztertuko dugu, gurean nola funtziona zezakeen irudikatu dezagun.

TRIKITIXA, KANPOTIK BAINA GERTUTIK

EGUNA: Irailak 8, osteguna (19:30ean)

LEKUA: Donostiako Udal Liburutegiko Sotoan

MAHAI INGURUA: Gotzon Barandiaran, Juan Carlos Perez, Mikel Markez. Moderatzailea: Juan Luis Zabala

Trikitilariak izan gabe ere, beren jardunetan trikitixa ondo ezagutzen dutela erakutsia dute Juan Carlos Perezek, Mikel Markezek eta Gotzon Barandiaranek. Kanpotik bada ere, gertutasun horretatik begiratuta, trikitixarekin izan duten eta duten loturaz ez ezik, trikitixaren orainaz eta geroaz mintzatuko zaizkigu hirurak mahai-inguru batean, gaiari ikuspuntu askotatik helduta: formatuak, diskoak, plazak, irakaskuntza eta transmisioa…