es | fr | en

Ira 14 2017

ZALDIBAR, EUSKAL HERRIKO TRIKITILARI GAZTEEN XXVI. TXAPELKETA

NOIZ: Azaroak 26, igandea

ORDUA: 17:30ean

NON: Zaldibarren

ZORTZI BIKOTE SAILKATUKO DIRA.

Kanporaketak: Azaroak 4 Aramaion eta azaroak 11 Azkoitian

Izen emateko azken eguna urriak 14

 

Informazio gehigarriak:

Zaldibarko txapelketa -oinarriak

Eskaera orria

Argazkiak egiteko baimena (helduak) Argazkiak egiteko baimena (umeak)

Idiazaldibar – partitura

Ira 11 2017

OKONDOKO I. TRIKITIXA TXAPELKETA ETA ESKUALDEKO TRIKITILARIEN III. TOPAKETA

NOIZ: Urriak 7, larunbata

ORDUA: 11:00etan hasita

Txapelketa 12:30ean

NON: Okondon

 

Oinarriak ikusteko klikatu ondorengo loturan: Okondoko I Trikitixa Txapelketa – egitaraua eta inskripzio orria

 

Egitaraua:

11:00: Ongietorria eta Trikitilarien topaketa San Bartolome plazan.

11.15: Kalejira Okondoko kaleetatik.

12.00: Trikitilarien kontzentrazioa azokaren esparruan. Hamaiketakoa.

12.30: Bikote parte-hartzaileen txapelketa.

13.30:  Sarien banaketa.

14.30: Bazkaria eta Triki-jaia.

 

Abu 31 2017

INPERNUKO POZA TRIKITIXAREN XV. JARDUNALDIAK

MUSIKAREN ETA INSTRUMENTUAREN IRAKASKUNTZA

Soinu txikiaren eta panderoaren irakaskuntza da trikitixaren jarraitasunaren giltzarria. Euskal kulturaren adierazpena den trikitixa edozein musika formatutan erabat integratua dagoen honetan, edo eta irakaskuntza baliabideak hainbeste aldatu diren garaietan, instrumentuaren eta musikaren transmisioa modu berdinean egokitu den edo zein norabide hartu behar duen aztertu nahi dugu.

Ibilbide ezberdineko irakasleak eta musikariak gonbidatu ditugu Inpernuko Poza Trikitixaren XV. Jardunaldi hauetan. Musikaren unibertsaltasuna ahaztu gabe, trikitixaz haratagoko esperientziak alderatu eta mahai gainean jarriko ditugu.

 

EGUNA: Irailak 7, osteguna (19:30etan)

LEKUA: Donostiako Udal Liburutegiko Sotoan

MAHAI INGURUA: Edurne Iturbe, Erika Lavillard-Isasi, Aritz Alustiza Moderatzailea: Ander Malbadi

TRIKITIXAREN IRAKASKUNTZA

Norbere aiton amona edo gurasoek eskolan ikasten zutena eta norberak eskolan ikasitakoa desberdina den modu berean, trikitixaren irakaskuntza ere etengabeko aldaketa batean murgilduta dago. Horrela Elgeta, Auntxa edota Sakabiren garaietan aurrez aurre ez zen metodo batekin baserri giroko soinu txikia irakastea pentsaezina bazen ere, gaur egun metodo ezberdinen bitartez ikas daiteke. Garaiak ere aldatu dira eta horrekin batera baliabide gehiago izateaz gain (audioak, partiturak, bideoak, liburuak, etab.) soinu txikiarekin jotzen den errepertorioa ere aldatu egin da, batez ere fandango, arin-arin, rantxera eta pasodobleak jotzetik, beste instrumentuekin jotzen diren erritmoak jotzera ere iritsiz: ska, reggae, pop, rock, etab. Zer bilatzen dute ordea gaur egungo ikasleek trikitixa ikasterakoan? Gaur egun entzuten dena ala ohituago gauzkan errepertorio klasikoa? Zer eta nola irakasten zaie? Galdera hauei erantzuna ematen saiatuko dira Edurne Iturbe, Aritz Alustiza, eta Erika Lavillard-Isasi trikitixa irakasleak.

Ander Malbadi

 

EGUNA: Irailak 8, ostirala (19:30etan)

LEKUA: Donostiako Udal Liburutegiko Sotoan

HITZALDIA: Maite Arroitajauregi Mursego

MUSIKAREN IRAKASKUNTZA

Musika, sortzez barruan daramagu, txikitatik erritmoa eta melodia antzemateko gai gara, hizkera baino lehen zentzu musikala garatzen dugu. Musika gozatzeko eta ikasteko, bizi egin behar da, esperimentatu, gorpuztu eta mugimendu bihurtu. Musika bereganatzeko metodologia irekia behar dugu, ikasleari egokitutakoa, bere sormena bultzatuko duena, praktikoa eta malgua.

Maite Arroitajauregi Mursego

Abu 2 2017

ZARAUZKO TRIKITILARI GAZTEEN XXXVII. TXAPELKETA

NOIZ: Irailak 6, asteazkena

ORDUA: 19:30ean

NON: Lege Zaharren Enparantzan (euria eginez gero Modelo aretoan)

Oinarriak ikusteko klikatu hemen.

Uzt 14 2017

POBREAREN PIANOA

Euskal Herriko Trikitixa Elkarteak Larrinaga-Guerrini Soinu Txikien argazkiz osatutako liburua argitaratu du.

Langile guztiek behar izaten dituzte erremintarik egokienak beraien lana txukun burutzeko. Trikitilariek ere, soinean eramaten dituzten lanabesak direnik eta preziatuenak izaten dira, altxor baten modura zaintzen dituzte. Hari horri tiraka, trikitixaren munduan altxor preziatuenak izan dira Marcelino Larrinagaren eta Florentino Guerriniren eskuetatik sortutako soinuak. Liburu honetan tokia egin nahi izan diegu etxeetan gordeta dauden egurrezko bitxi horiei.

Euskal Herrian zehar trikitixa ugari aurkitu ditugu molde honetakoak. Kepa Gonzalez argazkilariaren proposamenez etxez etxe joan gara soinu hauek dauden ingurunean bertan argazkiak ateratzera, soinu bakoitzari bere tokia errespetatuz. Soinuen jabeek beraien etxeetako ateak ireki dizkigute eta Kepak etxeko tokirik egokienak aukeratu ditu argazkiak burutzeko, ondoren estudioan mimo handiz landu dituelarik.

Soinu asko aurkitu eta identifikatu ditugun arren, liburu honetan ezin izan diegu guztiei tokia egin. Estetikoki edo kanpoko itxura berdinak dituztenetan, batzuetan, aukeraketa egin behar izan dugu eta beraz ez ditugu guztiak argitaratu. Barka bezate argitaratu ez ditugun soinuen jabeek.

EHTEk argazkietan agertzen diren soinu jabeei, eta liburu honetan kabitzerik izan ez duten soinuen jabeei ere, eskerrik beroenak eman nahi dizkiegu beraien denbora guri eskaintzeagatik, beraien etxeetako ateak ireki eta sukaldeetaraino sartzen uzteagatik edo eta altxorrik preziatuenak diren soinuak beste norbaiti utzi eta argazkiak ateratzeko baimenak emateagatik.

Liburua dagoeneko salgai dago webgune honetako “Denda” atalean eta ohiko saltokietan.

Eka 20 2017

EUSKADIKO TRIKITILARI GAZTEEN XXXVII. EDIZIOAREN FINALA ZEANURIN

NOIZ: Abuztuak 15, asteartea

ORDUA: 18:00

NON: Zeanurin

ADINA: 26 urtetik beherakoak, hau da, 1991 geroztik jaiotakoak

SEI BIKOTE SAILKATUKO DIRA

Izena ematea Zeanuriko udalean 946739146 telefonora deituta edo udala.zeanuri@bizkaia.org helbidera idatziz egin ahal izango da.

Izena emateko epea: uztailaren 3tik 20ra

*** Final honetan parte hartuko duten 6 bikoteak, beharrezkoa bada, aurretik egingo den kanporaketetan aukeratuko dira.

Informazio gehiago hemen klikatuta: Zeanuriko txapelketa – OINARRIAK 2017

Eka 19 2017

MARKINA-XEMEINGO I. HELDUEN TRIKITIXA TXAPELKETA

NOIZ: Uztailak 8, larunbata

ORDUA: 22:00

NON: Markina-Xemeinen, UNI frontoian

SARRERAK: Aurretiaz salgai Uhagon kulturgunean eta Udaleko harreran. Egunean bertan 19:00etan zabalduko da UNIko lehiatila.

Txapelketako partaideak:

Leire Zumeta eta Amaia Arza, Hegoi Petite eta Ainara Petite, Xabier Etxaniz eta Ainara Saizar, Ander Blasco eta Jone Uria, Mirari Azkune eta Aintzane Agirrebeña, Ainara Kaltzakorta eta Goretti Serrano, Jose Luis Garmendia “Laja II” eta Eugenio Gisasola “Lutxurdio”, Xabier Malbadi eta Ander Malbadi, Eneko Dorronsoro eta Mikel Eseberri, Jone Uria eta Julene Otegi, Patxi Aiorga eta Joseba Zabalo.

maiatza 31 2017

MAKETA LEHIAKETAN AUKERATUAK

Euskal Herriko Trikitixa Elkarteak antolatu duen maketa lehiaketan zuzendaritzak eskerrik beroenak eman nahi dizkie parte hartu duten guztiei. Ez diguzue lan erraza jarri.

Aukeraketa egin ondoren hauxe izan da emaitza:

 

– MELODIA ZAINETAN – Hor dun koxka

– PLAZABARRENA – Irati Gutierrez

– LAZTANEN PRESO – Irati Gutierrez

– BARRUAN DAUKAGUN UMEA – Julen Alonso eta Eneritz Aulestia

– ZAURIAK – Beñat Zaton

– GAURO AMETSEAN – Olatz Alberdi eta Idoia Asurmendi

– EZINAREN EGINAZ – Ttipika

– IRALTZ ARINA – Ttipika

– TXURI GORRI BERDEA – Gotzon Batikon

– NOR – Uxue Kerejeta eta Andoni Orue

 

10 hauetatik bideoklipa grabatzeko aukeratua berriz Julen Alonso eta Eneritz Aulestiaren BARRUAN DAUKAGUN UMEA kantua izan da.

 

Zorionak guztiei!

maiatza 26 2017

GAZTEEN TRIKITIXA ETA PANDERO TOPAKETA 2017

16 eta 20 urte bitarteko gazteei eskainia.

 

NOIZ: Ekainaren 23tik 25era

 

NON: Izurako Ferme Gaineko Etxea aterpetxean

 

Ikastaroa Joseba Tapiarekin eta elkarrizketa Maider Zabalegiekin.

Ekainaren 24ean kontzertua bertako trikitixa ikasleekin eta trikitilariekin batera Donazaharren.

 

Prezioa: 80 € (hiru eguneko otorduak, loa, ikastaroak eta begiraleak barne)

Izena emateko idatzi trikitixa@trikitixa.eus helbidera.

Plaza mugatuak. Apuntatzeko azken eguna ekainak 12.

Izen emate orriak – KLIKATU HEMEN

 

Animatu eta zatoz!

maiatza 25 2017

TRIKITILARI GAZTEEN ELORRIOKO IV. TXAPELKETA

NOIZ: Uztailak 1, larunbata

ORDUA: 19:00

NON: Elorrion, Plazako frontoian

ADINA: 20 urte bitarteko gazteak (20 urte barne)

SEI BIKOTE SAILKATUKO DIRA

OINARRIAK ELORRIOKO UDALETXEAN ETA WEB ORRIAN EGONGO DIRA

(Tlf. 670 40 08 45, iturri@elorrio.eus, www.elorrio.eus)

Izena emateko azken eguna: Ekainak 26, astelehena

***Deialdi irekia izango denez, bikote asko apuntatuko balira, kanporaketa bat egongo litzateke, txapelketa aurretik, arratsaldeko 17:00etan.